މުހައްމަދު އިބްރާހިމް (ކުޑޫ)

ގަލޮޅު އުތުރު ދާއިރާގެ ރައްޔިތުންގެ މަޖިލީހުގެ މެންބަރުގެ ގޮތުގައި ރައްޔިތުންނަށް ޚިދުމަތް ކުރުމަކީ އަޅުގަނޑަށް ލިބޭ ވަރަށް ބޮޑު ފަޚުރެކެވެ.

އަޅުގަނޑު މި މަޤާމަށް ހުވާކުރީ 2024 ވަނަ އަހަރުގެ ޖުލައި މަހުގައެވެ. ގަލޮޅު އުތުރުގެ ރައްޔިތުންނަށް ޚިދުމަތް ކުރުމުގެ ފުރުޞަތު ލިބުމަކީ އަޅުގަނޑު ނުހަނު އުފާކުރާ ކަމެކެވެ.

އަޅުގަނޑަކީ މެދުމިނުގެ ވިޔަފާރި އެއް ހިންގަމުންދާ، ޕަބްލިކް ރިލޭޝަންސް އަދި ޕްރޮޑަކްޝަން ކޯޑިނޭޝަންގެ ދާއިރާގައި 25 އަހަރަށްވުރެ ގިނަ ދުވަހުގެ ތަޖުރިބާ ލިބިފައިވާ މީހަކީމެވެ.

އަޅުގަނޑުގެ ކުންފުނި، ބްލޫ އެންޑް ވައިޓް ޕްރައިވެޓް ލިމިޓެޑްގެ މެނޭޖިންގ ޑިރެކްޓަރގެ ހައިސިއްޔަތުން، ރާއްޖޭގައި ބައިނަލްއަގުވާމީ ފެންވަރުގެ ބޮޑެތި ޕްރޮޑަކްޝަންތައް ކުރިއަށްގެންދިއުމަށް މަގުފަހިކޮށްދީފައިވާނެއެވެ. އެ މަސައްކަތުގެ ތެރެއިން ދުނިޔޭގެ މަޝްހޫރު ކުންފުނިތަކަށް ރާއްޖޭގައި ފިލްމު އިޝްތިހާރު ހެދުމަށް ބޭނުންވާ އެންމެހާ ކަންކަން ފުރިހަމައަށް ވިލަރެސްކޮށްދެމުން ގެންދަމެވެ.

އަޅުގަނޑު ޓީވީ ޓޯކް-ޝޯ ހޯސްޓް ކުރުމާއި ޕޮޑްކާސްޓް ވެސް ކުރަމެވެ. ރާއްޖޭގެ މަޝްހޫރު މިއުޒިކް ބޭންޑް "ފްރީޒް ބޭންޑް"ގެ ލީޑަރުގެ ގޮތުގައި ވެސް އަޅުގަނޑު މަސައްކަތް ކޮށްފައިވާނެއެވެ. ދިވެހި ރާއްޖެއަށް އާ ބާވަތުގެ ވިޔަފާރި ތައާރަފްކޮށް، ތަރައްޤީކޮށް ކުރިއެރުވުމުގެ ރޮނގުން އާއްމު ހިދުމަތުގެ އިނާމު 2015 ވަނަ އަހަރު އަޅުގަނޑަށް ވަނީ ލިބިފައެވެ.

ރައްޔިތުންގެ ޚާދިމު

މުހައްމަދު އިބްރާހިމް، ކުޑޫ